Қала әкімі Бақытжан Орынбеков және қала прокуроры Нұржан Боранбаев сот төрағалары мен полиция қызметкерлерін кәсіби мерекелерімен құттықтады
Әкімдіктің мәжіліс залында шаһар басшысы Бақытжан Орынбеков және қала прокуроры Нұржан Боранбаев сот төрағалары мен полиция қызметкерлерін кәсіби мерекелерімен құттықтады.
– Ең алдымен баршаңызды 23 маусым –Полиция қызметкерлері күнімен және 24 маусым – Судья және сот қызметкерлерінің кәсіби мерекесімен шын жүректен құттықтаймын!
Қалада «Заң мен тәртіп» концепциясы аясында «Халық заңгері» акциясы жүйелі ұйымдастырылып келеді. «Тараз – қауіпсіз қала» жобасы аясында 52 іс-шара ұйымдастырылып, 5000-ға жуық адам қатысты.
Жыл басынан бері Жамбыл облысы мамандандырылған ауданаралық экономикалық, әкімшілік және Тараз қалалық соттарында Тараз қаласы әкімдігі өкілдерінің қатысуымен 60-қа жуық әкімшілік және азаматтық істер қаралды.
Ел ішіндегі бейбітшілік пен тұрақтылық, қоғамдық тәртіп пен әділдіктің салтанат құруы – сіздердің адал еңбектеріңіздің арқасы деп білемін, – деді қала әкімі құттықтау сөзінде.
Жиында Тараз қаласы әкімінің арнайы құттықтауымен және алғыс хатымен сот төрағалары және полиция қызметкерлері марапатталды. Сонымен қатар, қала прокурорының арнайы сыйлықтары табысталды.
