Бүгін 11 шілде күні Астана-Аренада «Астана» клубы Чемпиондар лигасының бірінші іріктеу кезеңінде черногориялық «Сутьеска» клубымен кездесіп, 1:0 есебімен жеңіске жетті, — деп хабарлайды «ZhambylNews» AA Baq.kz сайтына сілтеме жасап.
«Астана» футбол клубы үшін 2018/2019 жылғы еурокубок маусымын Черногориядан келген «Сутьескаға» қарсы кездесумен бастады. Ойынның 28-минутында астаналық клуб сапындағы Роман Мұртазаев «Сутьеска» қақпасына гол соғып, есеп ашты. Елордалық футболшылар осыдан кейін шабуылдарын үдете түсті.
Қаншама рет қазақстандық футболшылар қарсылас қақпасына доп бағыттағанымен есеп 1:0 есебімен қалды.
Айта кетсек, қарымта матч 18 шілде күні Черногорияда өтеді.
«Сутьеска» клубы 1927 жылы Черногорияның Никшич қаласында құрылды. Олар үшін бұл жетінші еурокубок маусымы болып отыр.
Сондай-ақ, 19 шілдеде «Қайрат» — «Энгордань» (Андорра) кездеседі.
