Тараздағы жарылыс: қаза тапқандар саны үш адамға жетті
Таразда көпқабатты үйде болған жарылыстан үш адам қаза тапты, — деп хабарлайды «ZhambylNews» Ақпараттық Агенттігі.
Еске салайық, бұл жағдай бүгін, 27 ақпанда таңғы сағат 6:15- те болған. Нақтыланған мәліметтер бойынша, 145 адам эвакуацияланған. Үш пәтер бүлінген. Сондай-ақ, сол үйдегі тұрғындардың көбі пәтерді жалдап тұрғаны айтылады.
Соңғы мәліметтерге қарағанда, алты адам зардап шеккен. Олардың бірі — 14 жастағы бала, ауруханада ауыр жағдайда жатыр. Үш адам қаза тапты.
«Облыс әкімінің басшылығымен штаб құрылды. Оқиға орнында 260 адам жұмыс істеп жатыр. Материалдық көмек көрсетіледі, зардап шеккендерге уақытша тұрғын үй береміз», — деді Жамбыл облысы әкімінің бірінші орынбасары Бекболат Орынбеков.
