Дәрігер Даниэль Лопес Розетти қолыңыз үнемі салқын болып жүруі қандай да бір аурудың барын көрсетуі мүмкін екенін айтты. Маман Infobae басылымына берген сұхбатында мұның төрт себебін атады, — деп хабарлайды Massaget.kz тілшісі.
Дәрігердің пікірінше, қолдың суық болуы перифериялық артерия ауруын көрсетуі мүмкін. Сондай-ақ, бұл гипотиреоздың, яғни қалқанша безінің жеткіліксіз жұмысының көрінісі болуы мүмкін.
Дәрігер қолы суық адамдарды анемия бойынша да тексерілуге шақырды.
Қорытындылай келе, сарапшы бұл Рейно синдромының көрінісі болуы мүмкін екенін де ескертті, соның салдарынан қан тамырлары суыққа және күйзеліске жауап ретінде шамадан тыс тарылады.
Еске салайық, бұған дейін компьютерде жұмыс істегеннен кейін қол ауруының 3 себебі аталды.
