Жамбыл облысы Байзақ ауданы Н.Киікбаев атындағы орта мектебінде оқитын Байзақ ауданының орталық ауруханасына жатқызылған 35 адамның жағдайы орташа, тұрақты, деп хабарлайды Kazinform.
Бұл туралы Жамбыл облысы әкімдігінің баспасөз қызметі мәлімдеді. Науқастарға барлық қажетті медициналық көмек көрсетіліп жатыр.
Бұл мәселе бойынша Жамбыл облысының әкімі Ербол Қарашөкеевтің тапсырмасымен арнайы комиссия құрылды.
Сарыкемер ауылындағы Н.Киікбаев атындағы мектеп-гимназиясының оқушысының әлсіздікке, құсу бойынша шағымданған алғашқы өтініші 7 қараша күні түстен кейін тіркелген болатын.
Жамбыл облысы әкімінің тапсырмасына сәйкес, республикалық мамандардан, анестезиологтардан, педиатрлардан, токсикологтардан және инфекционистерден тұратын комиссия құрылды.
Сағат 23.00-ге дейін өтініш білдіргендердің жалпы саны – 46 адам (2 мұғалім, 44 бала).
46 адамның 33-і ауруханаға жатқызылды, жағдайы орташа, тұрақты.
Ауруханаға жатқызылғандарға детоксикация терапиясы жүргізілді. Антибиотикалық емдеуді қажет етпейтін 13 адам медициналық кеңес алғаннан кейін амбулаториялық емдеу және үйден бақылау үшін қайтарылды.
Жалпы практика дәрігерлерінен, педиатрдан, учаскелік медбикеден тұратын 16 мобильді топ 205 ауланы аралап, осы күні оқу орнының асханасына келген қалған оқушыларды тексеру жүргізілді.
Тексеру қорытындысы бойынша олардың жағдайы қанағаттанарлық жағдайда, шағымдар мен ауру белгілері жоқ.
Н.Киікбаев атындағы мектеп-гимназиясын тамақпен қамтуға жауапты ЖК «Тоқсейітовтің» жұмысы мән-жайлар нақтыланғанға дейін тоқтатылды. Мектеп оқшауланған, бактериологиялық зерттеу шаралары жүргізіліп жатыр.
Айта кетейік, бұған дейін Жамбылда 48 бала мен ересек мектеп асханасындағы тамақтан уланғанын хабарлаған болатынбыз.
