Өңірде бағаны негізсіз көтерген 10 дәріхана анықталды

0
78

Тараз қаласында арнайы құрылған мобильдік топ мүшелері мен қала әкімі Айтқазы Қарабалаев қалада тіркелген 68 дәріхананы аралап, түсіндіру, бағаны бақылау, бағаны негізсіз көтермеу мәселесін қадағалады, — деп жазады «ZhambylNews» ақпараттық агенттігі.

Облыс әкімі Бердібек Сапарбаевтың қазіргі пандемия кезінде аса қажеттті дәрі-дәрмек бағасын қымбаттатуға болмайтындығы жөнінде, қаланың дәріханаларын аралап, дәрі тапшылығын болдырмау туралы нақты тапсырмалар берген болатын.

Тапсырманы орындау мақсатында қала әкімінің орынбасары Алмас Садубаев бастаған, құрамында прокуратура, сыбайлас жемқорлыққа қарсы іс қимыл агенттігінің, полиция, сэс қызметкерлері бар жұмысшы топ қаладағы дәріханаларды аралап, зерделеу жұмыстарын жүргізуде.

Дәріханаларда қазіргі таңда тұрғындарға аса қажетті вирусқа қарсы тапшы дәрі-дәрмектердің бағасын көтермеу, тапшылықты қолдан жасап, жасырмау туралы түсіндіру жұмыстары жүргізілуде. Бүгінгі таңда қала дәріханаларында антибиотикалық, жүрек-қан тамырларын ширататын дәрі-дәрмектер: Цефим, Цефамед, Сумамед, Азитромицин, Азитро, Аспирин кардио, Кардиомагнил, Тромболол дәрі-дәрмектердің жетіспеушілігі байқалады.

Дәрілердің бағасын негізсіз көтерген дәріханаларға әкімшілік шаралар қолданылатыны қатаң ескертілуде. Қазіргі таңда бағаны негізсіз көтерген 10 дәріхана анықталып, құқық қорғау органдары мамандарымен хаттама толтырылды.

Жауап калдыру

Please enter your comment!
Please enter your name here