Тыңайтқыштардың құнын (органикалық тыңайтқыштарды қоспағанда) субсидиялау процесі толық автоматтандыру жүйесіне көшіріліп отыр.
Агроөнеркәсіп субьектілерінің минералды тыңайтқышқа деген қолжетімдігін арттыру мақсатында Үкімет тарапынан «Тыңайтқыштардың (органикалық тыңайтқыштарды қоспағанда) құнын субсидиялау» бағдарламасы қарастырылған.
Минералды тыңайтқыштар Қазақстан Республикасы Ауыл шаруашылығы министрінің 2015 жылғы 6 сәуірдегі № 4-4/305 «Тыңайтқыштардың құнын (органикалық тыңайтқыштарды қоспағанда) субсидиялау қағидаларын бекіту туралы» бұйрығына сәйкес субсидияланады.
«2018 жылға субсидияланатын тыңайтқыштар түрлерінің тізбесі және тыңайтқыштарды сатушыдан сатып алынған тыңайтқыштардың 1 тоннасына (килограмына, литрiне) арналған субсидиялардың нормалары» Жамбыл облысы әкімдігінің 25 қаңтардағы №15 қаулысымен бекітілді(Нормативтік құқықтық актілердің мемлекеттік тіркеу тізілімінде № 3706 болып тіркелген).
«Тыңайтқыштар (органикалықтарды қоспағанда) құнын субсидиялау» мемлекеттік көрсетілетін қызметін «Тыңайтқыштар (органикалықтарды қоспағанда) құнын субсидиялау мемлекеттік көрсетілетін қызмет стандартын бекіту туралы»Қазақстан Республикасы Ауыл шаруашылығы министрінің 2015 жылғы 21 шілдедегі № 4-4/679 бұйрығымен бекітілген «Тыңайтқыштар (органикалықтарды қоспағанда) құнын субсидиялау» мемлекеттік көрсетілетін қызмет стандартына сәйкес жүзеге асырылады.
2018 жылдан Тыңайтқыштардың құнын(органикалық тыңайтқыштарды қоспағанда) субсидиялау процесі толық автоматтандыру жүйесіне көшіріліп отыр.
Ереже талаптарына сәйкес, минералды тыңайтқыштарға өтінім
1) «Азаматтарға арналған үкімет» мемлекеттік корпорация» коммерциялық емес акционерлік қоғамы (бұдан әрі – Мемлекеттік корпорация);
2) «электрондық үкіметтің» www.egov.kz веб-порталы (бұдан әрі – портал) арқылы жүзеге асырылады. Субсидиялау процесі http://minagro.kz/сайтында Қазақстанның Агроөнеркәсіптік кешенінің электрондық қорлары (ресурстары) және ақпараттық жүйелері порталында (бұдан әрі-портал) жүзеге асырылады.
Порталға тіркелу үшін интернет жүйесінің, ауылшаркашылық құрылымының электрондық цифрлық қолтаңбасының (бұдан әрі – ЭЦҚ) және электрондық поштасының болуы шарт.
Ауылшартауарынөндіруші (ауылшаркооперативі) және тыңайтқыштарды өндiрушi Жеке кабинетте тіркелу үшін мынадай мәліметтерді көрсетеді:
1) жеке тұлғалар және дара кәсіпкерлер үшін: жеке сәйкестендіру нөмірі (ЖСН), тегі, аты және әкесінің аты (бар болған жағдайда);
2) заңды тұлғалар үшін: бизнес-сәйкестендіру нөмірі (БСН), толық атауы; бірінші басшының тегі, аты және әкесінің аты (бар болған жағдайда) және ЖСН;
3) байланыс деректері (почталық мекенжайы, телефоны, электрондық почтасының мекенжайы);
4) екінші деңгейдегі банктің немесе почтаның ұлттық операторының ағымдағы шотының деректері.
Жоғарыда көрсетілген деректерді өзгерткен кезде ауылшартауарынөндіруші (ауылшаркооперативі) және тыңайтқыштарды өндіруші бір жұмыс күн ішінде Жеке кабинетке енгізілген жеке шоттың деректерін өзгертеді.
Минералды тыңайтқыштарды алу үшін қажетті минералды тыңайтқыш көлемі Қазақстан Республикасы Ауыл шаруашылығы министрлігінің ресми интернет-ресурсында орналастырылған тыңайтқыштарды ғылыми негізделген енгізу нормалары негізінде есептеліп,минералды тыңайтқыштарды жеткізушімен келісім шартқа отырады.
Субсидия алуға өтінім келісім шарт негізінде жасалынады. Отандық өндірушілер мекен жайы: «ҚазАзот» АҚ –Тараз қаласы Абай көшесі 164 үй, «ҚазФосфат»ЖШС- Абай көшесі 126 үй.
Жамбыл облысы бойынша 2018 жылы жергілікті бюджет есебінен 800,0 млн теңге қаражат қарастырылып, 18,2 мың тонна минералды тыңайтқыш алу жоспарланып отыр.
Ақпараттық –коммуникациялық қызмет көрсету жөніндегі қызметтерді сатып алу барысында, баға сұранысын сұрату тәсілімен тыңайтқыштар құнын (органикалық тыңайтқыштарды қоспағанда) субсидиялау процесін толық автоматтандыру бойынша «Ақпараттық-есептеу орталығы» акционерлік қоғамы анықталды.
Қазіргі таңда Ереже талаптарына сәйкес, субсидияланған минералды тыңайтқыш алу жұмыстарын ұйымдастырып, электрондық жүйеде тіркелу, өтінім беру мәселелері бойынша түсіндірме жұмыстары жүргізілуде.
Сонымен қатар, мемлекеттік жер кадастрының деректеріне сәйкес шаруашылықсубъектілерінің ауыл шаруашылығы мақсатында арналған барлық егістікжерлерінің электрондық картасын қалыптастыру қажет.
Жүйеде тіркелу, алқаптардың электронды картасын енгізу және минералды тыңайтқыштар алуға өтінім қалыптастыру барысында туындаған мәселелермен «Ақпараттық – есеп орталығы» акционерлік қоғамы Жамбыл бөлімшесіне (8-7262-34-5-349) байланыс телефонына хабарласуларыңызға болады.
Тараз қаласы әкімдігінің ауыл шаруашылығы бөлімінің басшысы А.Тлеубаев
