Ертең, яғни 24 тамыз күні Астана мен Алматы қалаларындағы, Ақмола мен Алматы облысындағы ХҚО-ларда халыққа қызметті эстрада жұлдыздары көрсететін болады. Бұл туралы «Азаматтарға арналған үкімет» мемлекеттік корпорациясының қоғаммен байланыс департаментінің директоры Мұрат Жұманбай Фейсбуктегі парақшасында жазды, — деп хабарлайды «ZhambylNews» AA ҚазАқпаратқа сілтеме жасап.
«2018 жылдың 24 тамызында шоу-бизнестің жұлдыздары мен қоғам қайраткерлері азаматтарға қызмет көрсетеді. Олар Астана мен Алматы қалаларындағы, Ақмола мен Алматы облысындағы Халыққа қызмет көрсету орталықтарында бір күн жұмыс істейтін болады», — деп жазды ол.
Оның жазуынша, әрбір фронт-кеңседе жобаның екі қатысушысы қатысатын болады.
