Ертең көгершін сату жәрмеңкесі өтеді. Бұл туралы облыстық ауыл шаруашылығы басқармасының әлеуметтік желідегі парақшасында жарияланды , — деп хабарлайды «ZhambylNews» АА .
«Құрметті Жамбыл облысының тұрғындары мен қонақтары!
19 наурыз күні «Grand bazaar» сауда орталығының алаңында «Қош келдің — Әз Наурыз!» атты мерекелік ауыл шаруашылығы өнімдерінің жәрмеңкесі өтеді.
Жәрмеңке барысында ауыл шаруашылығы өнімдерінен бөлек жалпы жұртшылыққа концерттік бағдарлама, танымдық қойылымдар ұсынылады. Сондай-ақ, мерекеге орай әзірленген арнайы орындарда келушілерге ұлттық тағамдардан дәм тартылады.
Сауда орталығының алаңында шекем тас, қол күрес, ханталапай, асық ату, тоғызқұмалақ, арқан тарту, орамал тастамақ, ләңгі тебу сияқты ұлттық спорттық ойындар ұйымдастырылып, жеңімпаздар марапатталатын болады.
Сонымен қатар, бұл күні жалпы республикалық көгершін сату жәрмеңкесі де өткізіледі»-делінген хабарламада.
