Облыс әкімінің орынбасары Еркін Үйсімбаев бұқаралық ақпарат құралдарының өкілдерімен кездесті
Облыс әкімінің орынбасары Еркін Үйсімбаев Ш.Мұртаза атындағы «Руханият және тарихтану» орталығында бұқаралық ақпарат құралдарының бас редакторларымен, меншікті тілшілермен кездесу өткізіп, журналистердің мәселелерін тыңдап, сауалдарына жауап берді , — деп хабарлайды «ZhambylNews» АА.
Еркін Құлымбайұлы облыстың жетістіктерін насихаттауда, еліміздің қоғамдық-саяси тұрақтылығын қамтамасыз етуде журналистердің еңбегі ерекше екенін атап өтті.
Ағымдағы жылы республика, облыс көлемінде аталып өтетін іс-шараларға тоқталып, ауқымды жұмыстарды бірлесе атқаруға шақырды.
Кездесуде «AULIEATA-MEDIA» ЖШС-нің бас директоры О.Дәуіт, «Ғұмыр дария» газетінің директор-бас редакторы Ж.Миллионов, республикалық «Издательский дом «Комсомольская правда» облыстағы меншікті тілшісі Г.Выборнова, «Қазақстан» РТРК» АҚ Жамбыл облыстық филиалының директоры М.Жиенәлі және т.б сөз алып, БАҚ саласындағы өзекті мәселелер жөнінде ой-пікірлері мен бөлісті.
Еркін Құлымбайұлы айтылған ұсыныс-тілектерді ескерусіз қалдырмай, заң аясында шешу жолдарын қарастыратынын жеткізді.
