«Келін жоқ кезде тамақ жасаса, несі жаман?» Ләйлә Сұлтанқызы келінге көмектесетін енелерді жақтады

Ләйлә Сұлтанқызы келініне көмектесетін енелер туралы айтты. Тележүргізуші «бар тірлікті келінге істету керек» деген ойдан аулақ екенін жеткізді. Өз анасы да үш келін түсіргенін, оларға керек кезде жәрдемдесетінін жеткізді, деп жазады Stan.kz ақпарат агенттігі.

«Келінге келін болған 67% аналарым-ай. Өткенде өткізген сауалнамада 5851 қыз-келіншектің “анам келініне келін” деген жауапты мен былай қабылдар ем.

Әр ана баласының әйеліне денсаулығы жарап тұрса, қолы бос кезде көмектеседі. Мен келін болып түскенде енем болмады. Ертеректе қайтыс болған. Түсінбейсің дерсіздер, мейлі, бірақ Дишинкамның 3 келіні бар. Көзім көріп отыр ғой, арасында жұмсап, өзі де қазан-ошаққа араласып отырады. Етті сүйт-бүйт, зауаланы былай иле, кииітке мынаны қос дегенін естіп өстік. Білмегенін үйретсе несі айып, келін жоқ болған кезде тамақ жасаса несі жаман.

Есті келін біраз уақыттан кейін бәрін өзі-ақ істейді ғой, қолынан ештеңе келмесе, үйреткенді үйренбесе амал жоқ отырғаны сол шашылып, бығып, сасып.

Келінге келін болған жақсы, келінің болса. Енеңе келін болған қандай күшті, енең болса», — деп жазды ол желіде.