Наурыз мерекесіне орай Димаштың орындауындағы «Киелі мекен» әні Мексика метросында көрсетіледі, деп хабарлайды «ZhambylNews» АА Dimashnews.com сайтына сілтеме жасап.
27 ақпанда Мексика метросының 576 медиафасадында Димаштың “KIELI MEKEN” әнін шырқаған бейнежазбасы көрсетіледі. Науқанды Наурыз мерекесіне орай мексикандық жанкүйерлер ұйымдастырды.
Видео 27 ақпан мен 5 наурыз аралығында сағат сайын көрсетіледі. Бұл «Dimash Qudaibergen Méxicoficial» фан-клубының Dears Мехикодағы медиафасадында Димаштың қойылымдарын екінші рет ұйымдастырып отыр.
Метро қаланың негізгі көлік құралдарының бірі болғандықтан бейнежазбаны 3 миллионға жуық адам тамашалай алады.
