Венада «түрік тектес» 50-ге жуық адам Падуа Сент-Энтони католик шіркеуінде бүлік шығарды, деп хабарлайды Zhambylnews.kz ақпарат агенттігі.
Оқиға 29 қазан күні кешке болған. Бір топ ислам өкілдері шіркеуге баса көктеп кіріп, жастар дұға орындарын тепкілеп, ыдыстарды қиратып, «Алла Акбар» деп айқайлаған.
Дін қызметкерлері полицияны шақырған, бірақ шабуылдаушылар ол келгенге дейін жасырынып үлгерді. Тәртіп бұзушылардың әрекеттері бейнебақылау камерасына түсіп қалған.
Полиция 10 бүлікшінің жеке басын анықтай алды, олар бұған дейін де қоғамдық тәртіпті бұзған. БАҚ-тың хабарлауынша, жастар радикалды исламистерге жатады және құқық қорғау органдарының назарына бірнеше рет іліккен.
Австрия канцлері Себастьян Курц ел «саяси исламға» қарсы күресуді жалғастыра деп айтты.
«Австрияда барлық христиан өз сенімдерін еркін және қауіпсіз түрде қабылдай алуы керек! Біз саяси исламға қарсы күресті батыл түрде жалғастырамыз және жалған төзімділік танытпаймыз», — деп жазды ол Twitter-де.
Венадағы католик шіркеуіне шабуыл Франциядағы исламистердің шабуылдары мен Түркия президенті Режеп Тайып Ердоғанның Еуропадағы исламофобия туралы мәлімдемелері аясында болды.
29, 30 және 31 Қазанда Ницца, Лион, Авиньон және Парижде француз азаматтарына бірқатар шабуылдар болды. Ниццада 21 жастағыТунис азаматы Нотр-Дам соборында үш адамды өлтірді. Лионда белгісіз біреу православтық грек діни қызметкерін жарақаттап, қылмыс болған жерден қашып кетті. Кейін бұзақыны ұстады.
