Жамбыл облысы Төтенше жағдайлар департаментінің Өрт сөндіру мекемесінде «Мектепке жол» акциясы аясында арнайы шара ұйымдастырылды,-деп хабарлайды «Zhambylnews» АА Жамбыл облысы ТЖД баспасөз қызметіне сілтеме жасап.
Аталған шара барысында Төтенше жағдайлар департаментінің Өрт сөндіру мекемесінің бастығы, азаматтық қорғау полковнигі Ермек Момбаев ата-аналарымен бірге келген бүлдіршіндерге жылы лебіз білдіріп, акцияның маңыздылығына тоқталды. Акция аясында көмекке мұқтаж аз қамтылған отбасыларда өскен бүлдіршіндерге мектеп формалары, спорттық киімдер, мектеп сөмкелері, сондай-ақ қарындаш, дәптер секілді мектепке қажетті құралдар үлестірілді. Қайырымдылық көмекке өз ризашылықтарын білдіріп, алғыстарын жеткізді.
