Талас аудан әкімінің бекітілген жоспарына сәйкес мектеп-лицейде төтенше жағдайлардың алдын алу және өрт тактикалық оқу жаттығуы өтті, — деп хабарлайды “ZhambylNews” АА.
Шара барысында өртке қарсы және эвакуациялық жұмыстар пысықталды.
Жедел әрекет ету жұмысына азаматтық қорғау жасағының 9 арнайы техникасы және 30 қызметкер жұмылдырылды. Мектеп қызметкерлеріне әртүрлі төтенше жағдайлар кезінде әрекет ету бойынша әдістемелік көмек көрсетілді.
Оқу жаттығу кезінде өрт сөндіруші топ,полиция қызметкерлері, жедел-жәрдем, газ қауіпсіздігі мамандары және электр жүйесінің авариялық бригадасы дайындық жұмыстарының жоғарғы деңгейде екенін көрсетті.
